Лезгийрин машгьур спортсмен, олимпийский чемпион Абдурагьман Исаевахъ и мукьвара Туьркияда тхэквондодай кьиле фейи кьве акъажунра агалкьунар хьана. Идакай «Лезги газетдиз» «Лезгияр» милли порталди хабар гана.
12-февралдиз Анталье шегьерда «Президентдин кубок» тIвар алаз кьиле фейи вирихалкьарин турнирда Исаева буьруьнждин медаль къазанмишна. Са тIимил йикъарилай и уьлкведин Белек шегьерда тхэквондодай мад са акъажунар – Туьркиядин ачух чемпионат кьиле фена. И акъажунра А.Исаева кьвед лагьай чка кьуна. Чи спортсменди 87 килограммдал кьван заланвал авайбурун арада бягьсер кьиле тухвана.
«Лезги газет»
