Алай йисуз Докъузпара райондин Авадан хуьруьн куьчеяр хъсан гьалдиз хкунин кIвалахар давамар хъийида. Идакай «Лезги газетдиз» райадминистрациядин пресс-къуллугъди хабар гана.

Малумарзавайвал, чиргъ вегьедай куьчейрин мензил санлай 10 километрдив агакьда. И кIвалахар хуьруьн администрациядин кьил Бахтияр Мегьамедрагьимован гуьзчивилик кваз тамамарда. Алатай йисуз гъиле кьур и кIвалах кьуьд алукьуникди акъвазарнай.  Алай вахтунда улакьра аваз чиргъ гъунин ва ам рекьера чукIурунин кIвалахар кьиле физва.

«Лезги газет»