“Лезги газетдиз” Дагъустандин тамарин майишатдин Комитетдин пресс-къуллугъди хабар гайивал, алай йисалай республикади федеральный “Тамар хуьн”  проект уьмуьрдиз кечирмишунин карда иштиракзава.

Проектдин сергьятра аваз ижарада (кирида) вугун тавунвай чилин участокра тамарал чан хкунин кIвалахар тешкилда. Санлай къачурла, — тахминан 2,7 агъзур гектардив агакьдалди. Алай йисуз 514 гектардин мулкарал тамарал чан хкунин кIвалахар кьиле тухудайвал я.

Проект федеральный бюджетдин такьатралди таъминарда. 2019-2024-йисара Дагъустанди проектдин сергьятра аваз 3 миллион манат пул чара ийида ва 6 миллиондив агакьна бюджетдинбур тушир такьатарни желбда.

Комитетдин пресс-къуллугъди алава хъувурвал, 2010-йисалай инихъ сифте яз Дагъустандин лесхоздиз цIаяриз акси кIвалахар кьиле тухуниз талукь автопарк цIийи хъийидай ва тамун майишатдиз талукь техникани тадаракар маса къачудай мумкинвал хьанва.

«Лезги газет»