Лотерейдиз  талукь яз лагьайтIа, ам “аль-майсир” -дик акатзава. Адан патахъай Аллагь-Таалади Кьуръанда лагьанва (мана): “Эй инанмиш хьанвайбур! Гьакъикъатда, пиянардай хъвадай затIар, майсир (къизмишардай къугъунар ва икI мад), бутариз ибадат авун ва фал вегьедай хьилер (суьгьуьрчивал) — шейтIандин амалрикай тир мурдарвал я. Абурукай къерех хьухь, квехъ агалкьунар жедайвал” (“Маида” сура, 90-аят).

Сулейман аль-Бужайрамиди вичин баянра кхьизва:

“Аль-майсир — им къугъвадайла эцигнавай пул я. Адан мана — я ам ваз акъатда, я акъатдач”  (“Гьашия аль-Бужайрами”, 4-том, 376-чин).

Къарар:

Лотерейдин билет ва я купон къачун, нетижада инсан къугъунин иштиракчи жезвай, къадагъа я ва  акъатай пулни гьарам я. Ихьтин жуьреда хьайи мал-девлетни  абурун иесийрив вахкун лазим я, эгер абур  вужар ятIа чиз хьайитIа. Нагагь чизвачтIа, ам вири мусурманри ишлемишзавай чкайриз харжда.

«Ас-салам» газетдай