24-январдиз Кьурагь райондин администрацияда газ ва электричество паюнин сетар Росреестрдин учетда эцигунин ва инвентаризация авунин рекьяй махсус комиссиядин совещание кьиле фена. Идакай «Лезги газетдиз» Кьурагь райондин администрациядин пресс-къуллугъди хабар гузва. 

Инвентаризациядин нетижада райондин сергьятра 31 километр газ тайинарнавай сетар (абур ООО «Альянс», ООО «Факел» ва ООО «Росюгстрой» тешкилатри чпин хсусиятдик акатзавайбур яз малумарна) ва Росреестрда регистрация тавунвай 35 трансформатор дуьздал акъатна.

Иесисуз сетар регистрация авунин жигьетдай план-график гьазурнава. Адан бинедаллаз, 2019-йисан кьвед лагьай кварталдин эхирдалди райондин сергьятра авай вири сетар регистрация авун лазим я.

«Лезги газет»