Мукьвара Сулейман-Стальский районда мектебда кIелзавайбурун арада самбодай кIвенкIвечивал патал акъажунар кьиле фена. Идакай «Лезги газетдиз» райадминистрациядин пресс-къуллугъди хабар гузва.
Спортдин мярекат тешкилайди муниципальный райондин физический культурадин, спортдин, туризмдин ва жегьилрин крарин рекьяй комитет я.
Акъажунра иштиракайбур жаванар тиртIани, абуру самбодай чпихъ авай вини дережадин алакьунар, викIегьвал къалурна.
Акъажунрин нетижада, заланвилин вири дережайра гъалиб хьайибурузни хъсан чкаяр кьурбуруз кубокар, медалар ва дипломар гана.
«Лезги газет»
