И йикъара Кьурагь райондин информациядин технологийрин ва печатдин центрадин дараматда, Россиядин печатдин йикъахъ галаз алакъалу яз, «Кьурагь район» МР-дин къуллугъчияр райондин СМИ-дин векилрихъ галаз гуьруьшмиш хьана.
«Лезги газетдиз» Кьурагь райондин администрациядин пресс-къуллугъди хабар гузвайвал, шад мярекатда райондин кьилин заместитель Махач Хариева, райондин администрациядин аппаратдин руководитель Фикрет Медетова, медениятдинни туризмдин центрадин начальник Абдулкъадир Будаева, и центрадин къуллугъчи Имирбег Юзбегова, райондин счетдин палатадин председатель Сайдум Сайдумова, экономикадинни эменнидин отделдин начальник Идрис Муслимова ва райондин СМИ-дин къуллугъчийри иштиракна.
М.Хариева райондин кьилин патай СМИ-дин къуллугъчийриз пешекарвилин сувар тебрикна, алукьнавай 2019-йисуз абуруз агалкьунар алхишна.
Печатдин къуллугъчийриз тебрикдин гафар мярекатдин вири иштиракчийри лагьана.
Райондин пресс-къуллугъдин руководитель Фахрудин Мирзоева ва райодин «Дагъдин булах» газетдин редактор Алван Рамазановади къейд авурвал, СМИ-дин къуллугъчийри, икьван чIавалди хьиз, гележегдани райондин гьал Дагъустандин информациядин майданра къалурун патал вири къуватар эцигда.
«Лезги газет»
