Сулейман-Стальский райондин Сардархуьруьн мектебдин муаллим Сабир Бейбутован теклифдалди, и хуьруьн паркда гьамиша къацу тир туя тарарин 26 къелем цана. Вичин хсуси къелемлухдай гъайи 26 къелем мектебда кIелзавай аялрин куьмекдалди кутуна.
«Лезги газетдиз» Сулейман-Стальский райондин администрациядин пресс-къуллугъди хабар гузвайвал, паркда къелемар РД-дин кьил Владимир Васильеван «Къацу километрияр» экологиядин серенжемдин сергьятра аваз цана.
Къейдзавайвал, Сабир Бейбутова идалай виликни хъсан крарик са шумуд сеферда кьил кутуна. 1941-1945-йисара Ватандин ЧIехи дяведа чанар гайи аскерриз-хуьруьнвийриз обелиск эцигунин гьакъиндайни идалай вилик сифте яз месэла къарагъайрайди гьам я.
«Лезги газет»
