15-январдиз РД-дин Кьил Владимир Васильев республикадин СМИ-рин векилрихъ галаз гуьруьшмиш хьана. Журналистриз Россиядин печатдин югъ мубарак авуналди, региондин Кьили СМИ-дин такьатрин жемиятда кьунвай чка, абурун хиве авай жавабдар везифаяр къейдна.

Лагьана кIанда, мярекатдин сергьятра аваз Владимир Васильева 2018-йисуз тафаватлу хьайи са жерге журналистрив государстводин шабагьар вахкана. Абурун арада «Лезги газетдин» кьилин редактор Мегьамед Ибрагьимовни ава. Дагъустандин алай аямдин журналистика вилик тухуник лайихлу пай кутунай Мегьамед Ибрагьимоваз Владимир Васильеван 2019-йисан 14-январдиз кьабулнавай 3-рг нумрадин тапшуругъдин бинедаллаз РД-дин Кьилин патай чухсагъул малумарнава.

Республикадин милли чIаларал акъатзавай изданийрин векилрикай ихьтин шабагьдиз даргийрин «Замана» газетдин кьилин редактор Арсен Юсуповни лайихлу хьана.

«Лезги газет»