И йикъара Кьурагь райондин кьилин заместитель Махач Хариева райондин тешкилатринни идарайрин жавабдар къуллугъчийрихъ галаз кIвалахдин рекьяй совещание кьиле тухвана.

«Лезги газетдиз» Кьурагь райондин администрациядин пресс-къуллугъди хабар гузвайвал, совещанидал алатай гьафтедин нетижайрикай ва нубатдин гьафтеда тамамарна кIани тапшуругърикай ихталатар, веревирдер авуна.

М.Хариева кIватI хьанвайбуруз ЦIийи йис ва СМИ-дин рекье кIвалахзавайбуруз Россиядин печатдин югъ тебрикуналди, совещание ачухна.

Совещанидал райондин образованидин отделдин начальник Рамазан Катибов, ЦРБ-дин кьилин духтур Азим Азимов, финансрин отделдин начальник Бахтияр Ибрагьимов, культурадинни туризмдин центрадин начальник Абдулкъадир Будаев рахана. Абуру чпин идарайрин кIвалахрикай, авунвай ва хъувуна кIанзавай крарикай куьрелди суьгьбетна.

Эхирдай М.Хариева Кьурагьрин 1-нумрадин мектебдиз ва «Аленушка» аялрин бахчадиз хъвадай яд хъфин тийизвайдакай малумарна. И кардихъ галаз алакъалу яз, яд ахъа хъувун патал герек тир вири серенжемар кьабулун ада райондин ЖКХ-дин директор Мурад Османовал тапшурмишна.

«Лезги газет»