* * *

Италияда са еке супермаркетда, бриллиант чуьнуьхна, ам гваз катдайла, угъри, гъиле-гъил аваз, кьуна. Уголовный дело къарагъарна. Силис тухун кар чидай пешекаррал тапшурмишнава. Угъри адетдин угъри туш. КилигайтIа, цегв! Ада вичелай са шумуд сеферда залан, багьа шей туьквендин чилелай тIуз а саягъда зарбдиз галчIурзавай хьи, вил агакь тийидайвал. Цегв-угъри зиндандиз вегьенва. Багьа къашар — алмасар авай чка гила, цеквревай физ тежедайвал, вижевайдаказ кIевирнавалда.

* * *

Кьве къунши хуьруьн агьалияр, гьарда чеб гзаф акьуллубур я лугьуз, гьуьжетра аваз гзаф йисар я. Сад садал гьалтай дуьшуьшра датIана зарафатар ийиз, паркутар гьалчиз жеда.

Гьа икI, са сеферда са вини хуьруьнви агъа хуьруьз атайла, ам шалманар алцумзавай чкадал расалмиш жеда.

— Куьне вучзавайди я? — Хабар кьада касди.

— Ваз аквазвачни кьван, чилел алай шалмандин яргъивал алцумзавайди я ман.

Ахпа мугьмандиз аквада хьи, абуру шалман тикдаказ акъвазарна.

— Куьне гила вучзавайди я? — мад тажубвилелди хабар кьада.

— Гила кьакьанвал алцумзавайди я.

Вини хуьруьнви кап-капа ягъиз, хъуьрез башламишайла, ахпа кьатIана агъа хуьруьнвийри шалмандин яргъивални кьакьанвал сад тирди.

«Лезги газет»