10-январдиз Мегьарамдхуьруьн райондин кьил Фарид Агьмедов жегьил спортсмен, боксдай Вирироссиядин «А» классдин акъажунрин гъалибчи Расим Гьажалиевахъ галаз гуьруьшмиш хьана. И гьакъиндай «Лезги газетдиз» райадминистрациядин пресс-къуллугъди хабар гузва.
ВикIегь спортсмендихъ икьван чIавалди къазанмишнавай хейлин агалкьунар ава. Нубатдин сеферда ада вичин заланвилин дережада чемпиондин тIвар къачуна.
Гуьруьшдин сергьятра аваз, Фарид Агьмедова боксердихъ ва адан сад лагьай тренердихъ галаз ихтилатарна. Райондин кьили чпихъ алакьунар авай жегьил спортсменриз куьмек гун важиблу месэла тирди къейдна. Ада жегьил спортсмендивай гележегдин планрин гьакъиндай хабарар кьуна. Эхирдай, чемпиондиз гележегда мадни чIехи агалкьунар алхишуналди, Фарид Агьмедова Расим Гьажалиеваз гьуьрметдин грамота ва пулдин пишкеш гана.
«Лезги газет»
