И йикъара Сулейман-Стальский районда цIийиз ремонт хъувур «Курхуьр-КIварчагъ-Сиртыч» улакьрин рекьин участок шад гьалара ачухунин мярекат кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.
ТIвар кьунвай рекьин участок 2019-2020-йисара рекьерин кIвалахар кьилиз акъудунин программадай ремонтна. НуьцIуьгърин хуьрелай эгечIна КIварчагъ-ЦицIигъ хуьрерин къекъуьндал кьван рекьиз чиргъ вегьенва, талукь тир лишанар эцигнава, бязи чкайрилай кутунвай асбестдин турбаяр дегишнава ва икI мад.
Вири кIвалахар «Дербентские ДЭП № 13» тешкилатди, тайинарай вахтунда, Сулейман-Стальский райондин администрациядин гуьзчивилик кваз, кьилиз акъудна.
2019-2020-йисара тIвар кьунвай рекьин мад са шумуд участок ремонт ийидайвал я.
«Лезги газет»
