26-декабрдиз Кьурагь хуьруьн ДЮСШ-да Кьурагь райондин мектебра кIелзавай аялрин арада азаддиз кьуршахар кьунай турнир кьиле фена.

«Кьурагь район» МР-дин администрациядин пресс-къуллугъди «Лезги газетдиз» хабар гузвайвал, ЦIийи йисан сувариз талукьарнавай турнирда Кьурагь, КьепIир, КIири, Ашар ва Хпеж хуьрерай 50-далайни гзаф жегьил спортсменри (21,24,27,30,35 килограммдин заланвал авайбуру) иштиракна.

Турнир тешкилайбур Кьурагь хуьруьн ДЮСШ ва и спортмектебдин диде-бубайрин комитет я.

Спортдин и жуьредай чпин хъсан алакьунар къалурай, тафаватлу хьайи спортсменар грамотайралди, медалралди ва къиметлу пишкешралди къейдна.

Акъажунрин эхирдай шабагьар гунин шад серенжемда иштиракай Кьурагь райондин кьил Замир Азизова гъалибчиярни приздин чкаяр кьурбур тебрикна, абурун руьгь хкаж жедай алхишдин гафар лагьана. Райондин регьберди вирибуруз алукьзавай 2019-йисни мубаракна.

   «Лезги газет»