21-декабрдиз Докъузпара райондин Мискискарин хуьруьн поселенидин кьилин сечкияр кьиле фена. Кандидатрин жергеда и хуьряй тир Нифрет Вердиханов, Рузмедин Къенберов ва Жафадер Нуриев авай.
Хуьруьн кьил хкядалди вилик кандидатрин арада кьве паюникай ибарат тир конкурс кьиле тухвана ва адан нетижада махсус комиссияди пуд кандидатдизни сечкийра иштиракдай ихтиярар гана.
«РФ-да чкадин самоуправление тешкилунин умуми бинейрин гьакъиндай» 2003-йисан 6-октябрдин 131-нумрадин Федеральный къанундал амал авуналди, конкурсдин нетижайриз килигна, депутатрин Собраниди Мискискарин хуьруьн кьил Рузмедин Мегьамедагъаевич Къенберов хкяна. Цlийи къуллугъдал адахъ агалкьунар хьурай.
«Лезги газет»
