И йикъара Дербент районда «Йисан муаллим – 2019» Вирироссиядин конкурсдин зонадин пай кьиле фена. «Лезги газетдиз» Мегьарамдхуьруьн райондин администрациядин пресс-къуллугъди хабар гузвайвал, конкурсдин Кьиблепатан зонадин паюна Мегьарамдхуьруьн 1-нумрадин мектебдин ингилис чlалан муаллим Гьамидова Таира Темирхановна гъалиб хьана.
Кьиблепатан Дагъустандай жуьреба-жуьре районрай 9 муаллимди иштиракай конкурсда Таира Гьамидовади виридалайни хъсан алакьунар, тежриба къалурна. Ам конкурсдин вири имтигьанрай агалкьунралди экъечlна.
Конкурсдин нетижада 1-чка кьур муаллимдиз муькуь паярани агалкьунар хьурай!
«Лезги газет»
