Алукьзавай 2019-йисан январдин вацралай Дагъустан Республикадин рекьерин гьерекатра къайдаяр чIуриз улакьар гьалзавайбурувай кIватI хъийизвай жермейрин пулар вири республикадин рекьериз харж ийида.
Дагъустан Республикадин финансрин министерстводи хабар гузвайвал, рекьерин гьерекатрин къайдайрал амал тийизвайбурун тахсиркарвилер себеб яз республикадин рекьерин фондуна 500 миллион манатдив агакьна пул кIватI жезва. Икьван чIавалди кIватзавай пулар вири республикадин жуьреба-жуьре рекьериз харж ийизвайтIа, гила а пулар республикадин метлеб авай рекьер туькIуьр хъувуниз харж ийида.
Алай йисуз Дагъустанда къанун чIурна машинар гьалай шоферривай истемишай жермейрин умуми кьадар санлай 450 миллион манатдив агакьнава.
«Лезги газет»
