Мегьарамдхуьруьн райондин кьил Ф.Агьмедова азаддиз кьуршахар кьунай кьиле фейи Вирироссиядин турнирда гъалиб хьайи жегьил спортсмендиз и агалкьун тебрикна, гележегда мадни зурба агалкьунар хьана кIанзавай келимаяр лагьана.  

СССР-дин спортдин лайихлу устад Адан Вараеван гьуьрметдай кьиле фейи турнирда Мегьарамдхуьруьн райондай тир агалкьунар авай спортсмен Мурадхан Зингьарова нубатдин сеферда гъалибвал къачуна.

Къейд ийин, тIвар кьунвай акъажунар Грозный шегьердин «Олимпийский» спорткомплексда кьиле фена.

«Лезги газет»