Докъузпара райондин ЦIийи Къаракуьре хуьруьн ДЮСШ-да 25-декабрдиз азаддиз кьуршахар кьунай, 2001-йисуз дидедиз хьайи ва адалайни яшдиз гъвечIи жегьилрин арада, интернационалист аскер Сократ Гьажиев рикIел хкуниз талукь гьар йисан турнир кьиле фида.
Азаддиз кьуршар кьунин турнирдилай гъейри, Докъузпара райондин Миграгъ-Къазмайрин хуьруьн спорткомплексда 28-декабрдиз волейболдайни акъажунар кьиле фида. И къугъунра 2002-2004-йисара дидедиз хьайи жегьилривай иштиракиз жеда. Иштиракчийрин арзаяр гьа турнир кьиле фидай юкъуз кьабулда.
Акъажунрин нетижайра гъалибчийризни приздин чкаяр кьурбуруз медалар, грамотаяр ва пулдин пишкешар гуда.
«Лезги газет»
