И йикъара «Кьурагь район» МР-дин кьилин заместитель Махач Хариеван регьбервилик кваз ЦIийи 2019-йисаз талукь суварин мярекатар кьиле тухуниз гьазурвал акунин оргкомитетдин заседание кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.

Вилик квай сувариз талукь гьазурвилерин гьакъиндай райондин «Культурадин, информациядин ва печатдин центрадин» начальник Абдулкъадир Будаева малуматар раижна. Ада къейд авурвал, суварин кьилин ярж тир елка райцентрадин спортдин дараматда безетмишда ва гьа и залда 28-декабрдиз райондин суварин мярекатар башламишда.

Суварин шад мярекатда Аяз Бубади, Живедин руша иштиракда. Концертдин программадик кьуьлерилай, манийрилай гъейри, лотерейдин билетар къугъунни ква.

Суварин гьазурвилериз талукь яз тухванвай кIвалахдин гьакъиндай райондин информациядин технологийрин ва печатдин центрадин начальник Д.Халикьовани малумарна.

«Лезги газет»