Дагъустандин хуьруьн майишатдин министерство патал 2018-йисан эвелдилай инихъ 40-дав агакьна техникадин цIийи такьатар маса къачуна. Яни икьван чIавалди кардик квай ва цIийиз арадал гъизвай МТС-ар мягькемарунин кIвалах давамарзава. И кардани, кьилин заминвал яз, республикадин лизинг ишлемишзава. Ам региональный бюджетдин гьисабдай финансламишзава.
Дагъустанда 2018-йисуз МТС-ар цIийиз арадал хкунин кар Хасавюрт районда гъиле кьуна. Гила а месэла Буйнакский, Сулейман-Стальский районрани давамарзава. И карханайри акъатзавай йисуз лап вини дережадин къуватлувал ва шей гьасилунин мумкинвилер авай сельхозтехникадин 40-дав агакьна такьатар маса къачуна. Санлай абурун къимет 128 миллион манатдиз барабар я. Ибурук техил ва прунз кIватIдай 8 комбайн, цIийи жуьредин 3 трактор ва маса техника ква. И техникади цIинин йисан магьсулар кIватI хъувунин ва зулун тумар цунин кампанийра чеб чи республикадин шартIарихъ галаз хъсандиз кьадайбур тирди къалурна.
«Лезги газет»
