Тамун и гъвечIи гуьрчег уьрдегдиз мандаринка лугьузва.

Адан заланвал зур килограммдилай ирид виш граммдал кьван жеда. Жуьреба-жуьре рангаралди гуьрчег тир и къушраз Китайдин уьрдегни лугьузва. Надир къуш тирвиляй ам Яру ктабда гьатнава. Мандаринкаяр къадагъа алаз хуьзвай махсус чкайра хуьзва.  Сифтедай абур Шаркь патан Азиядин уьлквейра ва Россиядин Дальний Востокда жедай. Абуру мукар иллаки Приморский ва Хабаровский крайра, Амурский областда ва Сахалиндинни Курилрин кьураматрин сергьятра ийида.

Бязи делилралди, дуьньяда мандаринка уьрдегрин чIехи пай Россияда ава. Анжах зулун вахтунда абур Россиядай масаниз — чими чкайриз куьч жезва. Гзаф мензилар кьулухъ туна, кьуьд акъудун патал мандаринка Япониядин, Китайдин бязи районризни акъатзава. Эхиримжи вахтара и уьрдег Ирландияда, Англияда ва США-дани аквазва.

Мандаринка дуьньядал алай уьрдегрикай виридалайни гуьрчегди я. ТIуьниз абуру набататрин тумар ишлемишзава, гзафни-гзаф мегъвер бегенмиш я. Цяй гъвечIи кIезриярни жагъурзава.

Гьазурайди — Куругъли Ферзалиев