И йикъара РФ-дин президентди 2012-йисан 7-майдиз акъудай «Государстводин социальный политика уьмуьрдиз кечирмишунин рекьяй серенжемрин гьакъиндай» къарардин «К» пункт уьмуьрдиз кечирмишунин, 2017-йисан 5-декабрдин «образованидин хиле къуллугъ авунин еридиз аслу тушир къимет гунин месэлайриз талукь яз РФ-дин кьилдин законодательстводин актарик дегишвилер кухтунин гьакъиндай» ФЗ-дин сергьятра аваз НОК-дин общественный советди Кьурагь райондин М.С. Омарован тIварунихъ галай КьепIиррин мектебда кIвалах кьиле тухвана.

Мектебдин директор Ариф Жабраилова къейд авурвал, дарамат 1970-йисуз эцигнава. Алай вахтунда ина ремонтдин кIвалахар тухванвач. Классра чими авунин тадаракарни пис кIвалахзавач. Мектебдин гьаят элкъуьрна кьунватIани, видеогуьзчивилин такьатар ина гьеле кардик квач.  Алай вахтунда и мектебда 145 аялди чирвилер къачузва, муаллимар бес тахьунин месэла авач.

КьепIиррин мектебдин кIвалахдиз НОК-дин комиссиядин нубатдин заседанидал къимет гудайвал я.

«Лезги газет»