Кьасумхуьре В.И.Ленин тIварунихъ галай майданда авай ял ядай багъ РД-дин 2018-2022-йисара «Алай аямдин шегьердин шартIар арадал гъун» программадин сергьятра аваз, «Общественный чкаяр абадун» проект кьилиз акъудун давамарзава. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.
Майдандин эрчIи пад цIийи хъувуник тротуар ремонт авунин, сергьятар абадунин, къацу авунин, ана эквер тунин, зирзибилар вегьедай къапар тайинарунин ва маса крар акатзава. Алай вахтунда кIвалахар тамамвилелди кьиле физва.
Общественный чкаяр цIийи хъувунин сергьятра аваз ял ядай багъдин 1600 квадратдин метрдин майдан цIийи хъийизва.
«Лезги газет»
