Чилел ва це яшамиш жезвай гьайванрикайни къушарикай виридалайни зарббур гьибур ятlа, вирибуруз бажагьат малум я. Гзафбуру гепарддин тlвар кьун мумкин я. Амма пешекарри гьазурнавай виридалайни йигин гьайванрин сиягьда гепард сад лагьай чкадал алач. Йигинвилел гьалтайла, нек хъвазвайбурун ва кацерин жинсиникай тир гьайванрин арада гепард сад лагьай чкадал ала. Ингье виридалайни зарб 15 гьайвандикай ибарат сиягь.
Сапсан. Гьайванринни къушарин арада виридалайни зарбди сапсан я. Адавай са сятда 389 километрдиз лув гуз жеда.
Къизилдин лекь кьвед лагьай чкадал ала. Ада сятда 320 километрдиз лув гуда.
Тум раб хьтин стриждин йигинвал сятда 170 километр я. Ада вичин уьмуьрдин чlехи пай цава акъудзава. Муг кьакьан дагълара туькlуьрзава.
Чеглок. Юкьван Азияда, Европада ва Африкадин бязи чкайрани гегьеншдиз чкlанвай и къуш картарин жуьрейрикай сад я. Ада са сятда 160 километрдиз лув гуда.
Фрегат. И къушран лувар гзаф екебур я. Адалай са ятда 153 километрдиз лув гуз алакьда.
Виливални рехивал квай лиф. Ам гзафни-гзаф Азиядин уьлквейра яшамиш жезва, адавай са сятда 148,9 километрдиз лув гуз жеда.
Слепень. И пепеди сятда 145 километрдиз лув гуда.
Шпорцевый къаз. Им къазраз ухшар чlехи къуш я. Адан йигинвал сятда 129 километр я.
Крохаль уьрдегди сятда 129 километрдиз лув гуда.
Чlулав марлин. И балугъ гьуьле виридалайни зарбди я. Ада са сятда 128 километрдиз сирнавзава.
Шангъар. Катран жинсиникай тир и къушравай са сятда 127 километрдиз лув гуз жеда.
Альбатрос. Гьуьлуьн и чlехи къушравай са сятда 126,9 километрдиз лув гуз жеда.
Гепард виридалайни йигин гьайванринни къушарин арада 13 лагьай чкадал ала: адавай са сятда 120,7 километрдиз чукуриз жеда.
Балугъ-парусникди са сятда 109,19 километрдиз сирнавда.
Колибри. Лап гъвечlи и къушралай са сятда 98,7 километрдиз лув гуз алакьда.
Гьазурайди — Куругъли Ферзалиев
