И йикъара «Дербент шегьер» шегьердин округдин кьил Хизри Абакаров Стlал Сулейманан тlварунихъ галай лезгийрин гьукуматдин муздрамтеатрдиз фена. «Дербентдин хабарар» чешмеди малумарзавайвал, шегьердин кьили театрдин къенепатариз килигна, арадал алай месэлайрихъ галаз таниш хьана. 

Шегьердин регьбер дараматдин чlехи ва гъвечlи залриз фена. Ина чпин вердишвилер артухарзавай гьукуматдин хореографический «Каспий» ансамблдин кьуьлердайбуру залда чимивал авачирдакай, гьакlни итимар патал гримёрка герек тирдакай лагьана. Х.Абакарова чими ийидай тадаракар кардик кутунин месэла гьялда лагьана.

«Лезги газет»