Республикадин кьил В. Васильеван теклифдалди туькlуьрнавай республикадин «100 мектеб» проектрин сергьятра аваз, Сулейман-Стальский райондин Кlахцугърин мектебдин дарамат ремонтзава. И гьакъиндай «Лезги газетдиз» райадминистрациядин пресс-къуллугъди хабар гузва.
Къейд ийин, ремонт патал герек тир такьатар (2 миллион манат) республикадин бюджетдай ва са кьадар (100 агъзур манат) муниципальный бюджетдайни. Идалайни гъейри, ремонтдин кlвалахрик чпин пай кутун патал карчиярни желбзава. Икl, «100 мектеб» проект бажармишунин сергьятра аваз Кlахцугърин хуьруьн мектеб ремонт авуник вичин ери-бине Кьулан Стlалрилай тир Марат Алиярова пай кутада. М.Алияров РД-дин Халкьдин Собранидин депутат я. Ада 383 агъзур манат чара ийида.
Къейд ийин, Кlахцугърин мектебдин дараматдин бине 1934-йисуз эцигна. Алай вахтунда дараматдик цlийи дакlарар кутунва. Мектеб цlийи авунин кlвалахар давам жезва. Райондин кьил Н.Абдулмуталибова инвестор Марат Алияроваз чухсагъулдин чар ракъурна.
«Лезги газет»
