Мегьарамдхуьруьн райондин Азадогъли хуьре рекьер хуьр абадунин серенжемрин сергьятра аваз рекьер хъсанарунин кlвалахар кьиле тухузва. Райадминистрациядин пресс-къуллугъди хабар гузвайвал, Азадогъли хуьруьн мулкар абадвилихъ тухунин жигьетдай хейлин кlвалахар кьилиз акъуднава.

Хуьруьн администрациядин кьилин везифаяр тамамарзавай Меристан Яралиевадин регьбервилик кваз хуьруьн къенепатан рекьер ремонтнава. Залан техникадин куьмекдалди герек тир кьван накьв гъана, рекьера авай чала-чухурар ахцlурнава. Рекьер къайдадик кутунин сифтегьан кlвалахар и хуьруьн саки вири куьчейра кьилиз акъуднава.

«Лезги газет»