Мегьарамдхуьруьн районда хуьрерин мулкар абадвилихъ тухунин ва агьалийриз къулай шартlар тешкилунин кlвалахар давам жезва. И гьакъиндай «Лезги газетдиз» райадминистрациядин пресс-къуллугъди хабар гузва.

Икl, и райондин Гъепцегьрин хуьруьн цlийиз эцигнавай кlвалер авай микрорайондиз анин агьалияр хъвадай целди таъминарун патал цин турбаяр тухвана. И серенжемда жемятди, хуьруьн собранидин депутатри иштиракна. Кьилди къачуртlа, 1400 метрдин мензилдиз цин линия тухвана. Алай вахтунда и кlвалахар акьалтlарнава ва агьалияр тамамдиз целди таъмин я.

«Лезги газет»