Тlебиатда чал цекверни жуьреба-жуьребур гьалтзава. Цегв-гуьлле тlвар алайди абурукай виридалайни хаталуди яз гьисабзава. Ихьтин тlвар адал вичин кlасун тапанчидай гуьлле гунив гекъигзавайвиляй акьалтнава. Гьакъикъатдани, цегв-гуьлледин мизмиз гзаф къуватлу я. Ихьтин цеквре инсандиз кlасайтlа, а чкадай са суткада тlал атlудач.
Гьелбетда, чилел яшамиш жезвай кьван вири жуьрейрин цекверин кlасун, цегв-гуьллединди квачиз, инсан патал хаталу туш. Адан яргъивилел 2-2,5 сантиметр жеда. И цекврен келле екеди ва вилер экъисайбур я. Адан зегьер квай мизмиз галукьайла, а чка фалуж хьайи гьалдиз къвезва. И цекверин ранг чlулаввални рагъулвал акахьайди я.
Цегв-гуьлле Кьиблепатан Америкадин бязи уьлквейра яшамиш жезва. Чебни, адетдин цеквер хьиз, гзафбур санал яшамиш жеда. Адан зегьерди ири гьайванар кьиникьал гъидач. Амма ада кlасайдалай кьулухъ а гьайвандивай 24 сятдин вахтунда цекверин кlунтlунив гатlумиз хъжедач, гьикl хьи, и вахтунда а гьайвандиз цеквре кlасай чкади азаб гуда.
Гьазурайди — Куругъли Ферзалиев
