Докъузпара райондин образованидин управленидин начальник Гъвейибег Шагьвеледова Вирироссиядин «Зи гъвечIи ватан: тIебиат, меденият, этнос» тIвар алай конкурсдин муниципальный этап тухунин жигьетдай 261-нумрадин къарар акъуднавай.

Къарардал асаслу яз, 10-октябрдиз Докъузпара райондин образованидин управленидин дараматда «Зи гъвечIи ватан» тIвар алай Вирироссиядин конкурсдин муниципальный этап  кьиле фена. Конкурсдин гьакъиндай образованидин управленидин методист ва конкурсдин жюридин председатель  Рафик Мегьамедханова баянар гана.

Санлай къачурла, конкурс вад номинациядикай ибарат тир. Анжах конкурсдин кIвалах 4 номинациядай кьиле фена. Жюридин дестедик образованидин управленидин методистар тир Тамара Муллина, Лейла Мухтарова, Арбен Абдуллаев,  Усугъчайдин мектебдин биологиядин муаллим ва «Эренлардин сес» газетдин кьилин редактор Алибуба Эмирсултанов  квай.

Кьиле фейи конкурсда райондин мектебра 5-11 классра кIелзавай 15 аялди гьазурнавай кIвалахриз хъсан къимет гана.

Жюриди меслят къалурайвал, сад лагьай чкаяр кьур  аялри Вирироссиядин конкурсдин республикадин паюна  иштиракда.  Лайихлу чкаяр кьур аялрин агалкьунар райондин оброзованидин управлениди грамотайралди къейдда.

«Лезги газет»