Гьайванрин алемда жуьреба-жуьре чурчуларни яшамиш жезва. Гужлу рангаралди безетмиш хьанвай чурчулрикай сад игуана я. Адаз адетдин ва я къацу игуана лугьузва. И гьайван Юкьван ва Кьиблепатан Америкада гьалтда. Адан яргъивилел са метрни зур ва адалайни гзаф хьун мумкин я. Чlехи хьанвай игуанадин заланвал 7 килограммдилай тlимил жедач.

Къати рангар ва секин хесет себеб яз адетдин игуанаяр кlвалин гьайванар хьиз хуьзвай дуьшуьшарни ава. Азадвиле авайла, адет яз, и гьайван йикъан вахтунда тарарал акун мумкин я. Яшамиш жезвай чкадилай ва яшдилай аслу яз, чурчулдин ранг жуьре­ба-жуьре жеда. Абур къацубурни, экуь вилибурни, чlулав­бур­ни, ярубурни, туракьбурни, вилибурни, гьатта билбилжегьребурни хьун мумкин я. Игуана­дин далудилайни тумунилай жгъа фенва, ада чурчул­ душманрикай хуьзва. Тумуни адаз сирнав ийиз ва душманрикай хуьз куьмек гузва. Тапасрал алай хци къармахрин куьмекдалди чурчул регьятдаказ тарара­ къе­къведа. Игуанадин беден хъуьруьшри кlевнава.

И чурчулди бязи цуьквер, тарарин пешер, цуьрцер ва чими чкайрин набататрин емишар незва.

Азадвиле авайла, и гьайванар 8 йисуз кьван яша­миш жезва. Къулайвилер авай чкада хвейитlа, ам къад йисалайни гзаф яшамиш хьун мумкин я. Мекси­ка­дин са бязи чкайра игуанадин як тlуьниз ишлемиш­зава.

Гьазурайди — Куругъли Ферзалиев