РД-дин жегьилрин крарин рекьяй министерстводи арадал гъайи республикадин «За жува хкязава» проектдин сергьятра аваз, Мегьарамдхуьруьн райондин образованидин идарайра жегьилрин арада дуствилин ва сагълам уьмуьр кьиле тухунин къайдаяр машгьур авунин мярекатар кьиле тухузва. И гьакъиндай «Лезги газетдиз» райадминистрациядин пресс-къуллугъди хабар гузва.
Ихьтин жуьредин мярекат и йикъара райондин туризмдин ва жегьилрин крарин рекьяй отделдин директор Фарид Бейбутован, ЦРБ-дин духтур-нарколог Расим Шихрагьимован, Цlелегуьнрин юкьван мектебдин директор мектебдин директор Зибиулагь Зибилляеван иштираквал аваз Цlелегуьнрин юкьван мектебда кьиле фена. Мугьманри чlехи классра кlелзавайбурухъ галаз суьгьбетар кьиле тухвана; наркоманиядин тема веревирдна; бейгьушди инсандин бедендиз гьихьтин зиян гузватlа, гьадакай малумарна; экстремизмдизни терроризмдиз аксивалуникай ихтилатна, интернетдин алемда дуьз тухунин важиблувиликай лагьана ва икl мад.
Къейд ийин, мярекатдик кьил кутурди райондин туризмдин ва жегьилрин крарин рекьяй отдел я.
«Лезги газет»
