Эхиримжи йисара Сулейман-Стальский районда образованидин идарайрихъ, яшайишдин ва маса объектрихъ физвай рекьер абадунин, анра къир цунин мярекатар кьилиз акъудзава. Идакай «Лезги газетдиз» райадминистрациядин пресс-къуллугъди хабар гузва.
Рекьер, куьчеяр къайдадик кутунин кlвалахар и районда хъсан адетдиз элкъвенва. И йикъара Герейханов хуьруьн 1-отделенида Бачханован куьчеда къир цунин кlвалахар башламишнава. «Югдорстрой» ООО-ди кьиле тухудай кlвалахрин нетижада 2500 квадратдин метрдин сергьятра къир цада. Къейд ийин, абадвилихъ тухунин кlвалахар райондин рекьерин фондунин такьатрихъ ийизва. Тlвар кьунвай куьчеда 30 майишат яшамиш жезва, ина аялрин бахча, медениятдин дарамат, ДЮСШ-дин дарамат ва духтуррин амбулатория кардик ква.
«Лезги газет»
