И йикъара Мегьарамдхуьруьн райондин администрацияда райондин кьил Фарид Агьмедова вичихъ алакьунар ва гележег авай жегьил спортсмен, Мегьарамдхуьруьн «Самур» ДЮСШ-дин ученик Мурадхан Зингьаровахъ ва адан бубадихъ-тренердихъ галаз гуьруьш кьиле тухвана. Идакай «Лезги газетдиз» Мегьарамдхуьруьн райадминистрациядин пресс-къуллугъди хабар гузва. 

Къейд ийин, мукьвара «Россиядин жегьилвал» турнирда иштиракай Мурадхан Зингьарова чемпиондин тlвар къазанмишна.

Куьмек гунай спортсмендин бубади Фадир Агьмедоваз чухсагъул малумарна. Вичин нубатда райондин кьили спортсмендивай вилик квай мярекатрикай хабарар кьуна. Малум хьайивал, жегьил спортсмен Гуржистанда кьиле фидай вирихалкьарин турнирдиз гьазур жезва.

Ф.Агьмедова спортсмендиз гележегдани, кьилди къачуртlа, мукьвара кьиле фидай вирихалкьарин турнирда агалкьунар хьун алхишна.

«Лезги газет»