Дагъустанда авай «РусГидродин» филиалди республикадин виридалайни гуьрчег чкаяр къайдадик кутунин, анрин михьивал хуьнин гьерекатар давамарзава. Нубатдин «оБЕРЕГАй» серенжем Мегьарамдхуьруьн райондин сергьятра авай Самур тама кьиле фена.
Серенжемда студентрикай, «РусГидродин» ва тlебиатдин ресурсринни экологиядин министерстводин къуллугъчийрикай ибарат дестеди иштиракна. Абуру там садра ишлемишдай къапарикай, пластикадин путулкайрикай ва гадарнавай маса зирзибилрикай михьна, санлай къачурла, 140 шешел зирзибилар кlватlна.
«Лезги газет»
