И йикъара Мегьарамдхуьруьн районда 2006-2007-йисара дидедиз хьайи жегьилрин арада дзюдодай райондин турнир кьиле фена.

Райадминистрациядин пресс-къуллугъди хабар гузвайвал, турнир райондин 75 йисан юбилейдин мярекатрин сергьятра аваз тешкилна. Культурадин центрадин вилик квай гатун майдандал кьиле фейи акъажунра райондин жуьреба-жуьре хуьрерин 72 дзюдоистди (жуьреба-жуьре заланвилин дережайрай) иштиракна.  Гуьгъуьнлай тафаватлу хьайи спортсменрив талукь тир дипломар ва медалар вахкана.

«Лезги газет»