2015-2020-йисарин Федеральный «Жилище» программадин ва 2012-йисан 7-майдиз РФ-дин президентди акъудай «РФ-дин ватандашар яшамиш жедай къулай чкайралди таъминарунин ва яшайишдин шартlар хъсанарунин серенжемрин гьакъиндай» Къарардин бинедаллаз Ахцегь райондин кьил Осман Абдулкеримова Кьакарин хуьряй тир, масанай куьч хьуниз мажбур хьайи Алиметов Энвер Расуловичав «ВП» сериядин государстводин кlвалин сертификат шад гьалара вахкана.
Райадминистрациядин пресс-къуллугъди «Лезги газетдиз» хабар гузвайвал, программадал асаслу яз, адаз федеральный бюджетдай РД-дин сергьятра яшамиш жедай кlвал къачун патал яшайишдин пулдин такьатар гана. Райодин кьил О. Абдулкеримова адаз и вакъиа тебрикна.
«Лезги газет»
