И йикъара «Кьурагь район» МР-дин кьил Замир Азизова райондин хуьрерин администрацийрин кьилерихъ ва мектебрин директоррихъ галаз налогар кlватlунин жигьетдай тамамар хъувуна кlани месэлайриз талукьарнавай совещание кьиле тухвана. И гьакъиндай «Лезги газетдиз» райадминистрациядин пресс-къуллугъди хабар гузва.
Райодин кьили налогрин органрив вахкана кlани буржарин кьадаррихъ галаз хуьрерин кьилер танишарна. Чилерин ва эменнидин налогар кlватlунин карда арадал къвезвай четинвилерикай Аладаш хуьруьн кьил Аслан Къафланова, Кьурагьрин 1-нумрадин мектебдин директор Гьамид Мисриева, Кьепlир хуьруьн кьил Азедин Къазиева, Шимихуьруьн кьил Хаирбег Гьасретова ва масабуру ихтилатна.
Малум хьайивал, совещанидал налогар кlватlунин ва буржар арадай ахкъудунин крара куьмекар гун патал гьар са хуьруьхъ райадминистрациядай ихтиярар ганвай жавабдар къуллугъчияр галкlурзава. Кьилиз акъудай кlвалахдикай абуру гьа и жуьредин совещанидал кьве йикъалай малуматар гуда.
«Лезги газет»
