Facebookда авай “Пак Дербент” тIвар ганвай, виридавай менфят къачуз жедай дестеди хабар гузвайвал, Дербент райондин Белиж поселокдай тир школьникди, еке кьегьалвал авуналди, бедбахтвилин вилик пад кьуна.
Ильмар Рамазанова Белиждин 4-нумрадин юкьван школадин 6-классда кIелзава.
16-сентябрдиз Ильмараз яд авахьна физвай къаналдиз кьве йис хьанвай аял аватнавайди акуна. Ада, гьич са кIусни энгелвал тавуна, аял къутармишун патал, вичин уьмуьр хаталувилик кутуналди, зарбдаказ физвай циз хкадарна. Бахтунай, ам, батмиш жезвай аял хкьуна, къаналдай ахкъудиз агакьна. Ам ци муькъуьн кIаник тухуз амайди са кIам-шам тир.
Белиж поселокдай тир школьникди, гьакъикъатдани, еке кьегьалвал авуна. Ам виниз тир награда гуниз лайихлу я.
«Лезги газет»
