— ЧIал туькIуьриз хьун мумкин кар туш, гьикI хьи, ам ярат­мишзавайди халкь я; филологри анжах адан законар ачухзава ва тайин къайдада твазва. Писателри лагьайтIа, чIалалди адан законрихъ галаз кьадайвал яратмишунарзава.

В.Белинский.

— ЧIал хъсанди ва я писди жедач… ЧIал — им анжах гуьзгуь я кьван, вичелай шикаят, арза авун, наразивал къалурун виже текъвер гуьзгуь.

С.Довлатов.

— ЧIал чирун патал кичIе кутадай хьтин лазимлувилелай чIалал ачухдиз рикI хьун важиблу я.

Пак Августин

— Гзаф чIалар чир хьун  — им са дапIардиз са шумуд куьлег хьун лагьай чIал я.

Вольтер.

— ЧIал фикиррин, кьатIунунрин партал я.

С.Джонсон.

— ЧIални машин хьиз я, гьавиляй адан пружинри, арабадин чархари хьиз, чIиркь — жиркь авуниз рехъ гана виже къведач.

А.Ривароль

— ЧIаларин арада тафават акьван екеди я хьи, гьа са ибара са чIала векъиди яз аквазватIа, маса чIала кьакьан, еке метлебдин мана авайди яз жеда.

Д.Драйден.

— ЧIал ва гафар рикIин хилерни пешер я ва абуру ам кьуранвани ва я къацузвани — гьадан патахъай шагьидвалда.

А.Перес.

— ЧIал халкьдин фикиррин, кьатIунунрин гуьзгуь я; гьар са мил­летдин акьулдин склад адан чIала, медаль хьиз, кIалубда тунва.

Х.Сехадор.