8-сентябрдиз Ахцегь райбиблиотекадин (ЦБС) кIелдайбурун залда зурба шаир ва общественно-политический деятель Расул Гьамзатован 95 йисан юбилейдиз талукь мярекат — шаирдин эсерар кIелдайбурун конкурс кьиле фена. “Дагъустандин къизилдин къелем” лишандик кваз ЦРБ-дин къуллугъчийри тешкилай ам, конкурсантар — райондин школайрин аялар тебрикуналди ва шаирдин уьмуьрдинни яратмишунрин рекьикай куьруь гаф рахуналди, райондин культурадин управленидин (УК) начальникдин библиотекайрин рекьяй заместитель Аделя Агъаевади ачухна ва кьилени тухвана.

Сад-садан гуьгъуьналлаз экъе­чIиз, дуствиликай ва ватанпересвиликай кхьенвай Р.Гьамзатован шиирар устадвилелди кIел­завай аялриз жюриди (адан къурулушдик жегьилрихъ галаз кIва­лахунин рекьяй райадминистрациядин кьилин къуллугъчи Назиля Исмаилова, райондин Культу­радин управленидин начальник Къистер Гъаниева, адан заместитель Сулейман Сулейманов, “ЦIийи дуьнья” газетдин редактор Дашдемир Шерифалиев, РУО-дин кьилин пешекар Мейрам Рамазанова, Ахцегьрин 1-нумрадин школадин муаллим Жа­миля Саидова квай) къимет гузвай.

Конкурсда 1-чка — Ахцегьрин 1-нумрадин юкьван школадин    9-классдин ученица Самира Нур­мегьамедовади  2-чка  Ахцегьрин  2-нумрадин  СОШ-дин  ученик Рауф Шагьэмировани Хкемрин ООШ-дин ученица Камила ­Эмировади пайна. 3-чкадиз Ах­цегьрин 3-нумрадин школада (АOOШ)­ кIелзавай Телли Гьажиева лайихлу хьана. Абуруз — талукь тир дережадин, амайбуруз (вири 12 касди иштиракна) конкурсда иштиракунай райондин Культурадин управленидин патай гьуьрметдин грамотаяр гана.

Даш Алиев