Гьуьрметлу дагъустанвияр! Махачкъаладин 1-нумрадин гуьзчивилин кIвалахдин (НД) ва профилактикадин (ПР) рекьяй отделди Россиядин МЧС-дин кьилин управленидин НД-ди ва ПР-ди Дагъустанда гьаваяр чими хьуникди рикIел хкизва: РД-дин Гьукуматди 16-мартдиз кьабулнавай 50-нумрадин къарардин бинедаллаз, алай йисан 1-апрелдилай 31-октябрдалди республикадин мулкара цIаярикай хуьн патал кьетIен къайда кардик кутунва. Аник акатзавай серенжемрин макьсад цIаяр кьунин вилик пад кьун, инсанар кьиникьикай хуьн, тамара хатасузвал таъминарун, и месэладал фикир желб авуналди, агьалийрин мукъаятвал артухарун я.
КьетIен гьалар къайдадик квай вахтунда къадагъа авунва:
цIаяр хъувун;
зирзибилдиз, гьа гьисабдай яз ТБО-диз (твердые бытовые отходы), кьурай векьер-кьалариз цIай ягъун;
ачух цIукай менфят къачун (тIуьнар гьазурун патал, мисал яз, мангал, пич эцигна);
цIаяр кьунин хаталувал авай кIвалахар кьиле тухун, гьа гьисабдай яз, хуьруьн майишатдин метлебдин мулкариз, мисал яз, гвенвай никIера чиле амай самариз, зирзибилдиз цIай ягъун ва чуьлда цIай хъувун.
Кьурай векьери цIай кьун а кардалди хаталу я хьи, ам цIун са гъвечIи цIелхемдилайни садлагьана арадал атун, иллаки гар авай юкъуз адан нетижаяр мадни чIурубур хьун мумкин я.
Салара, багълара михьивал ийиз кIанзавайбуру зирзибил муниципалитетдин органри тайинарнавай чкадал тухун лазим тирдални фикир желб ийиз кIанзава. Идан гьакъиндай 2020-йисан 16-октябрдиз гьукуматди кьабулнавай 1479-нумрадин къарардал асаслу яз («Россиядин Федерацияда цIаяр кьуникай хуьнин къайдаяр тестикьарунин гьакъиндай», 67-пункт чилин участокрин иесийриз ва чиликай менфят къачузвай ксариз талукь я), хуьрерин, поселокрин пунктарин сергьятрал алай, сергьятдал хьунилай аслу тушиз, умумидаказ ишлемишзавай мулкара саларбанвилел ва я кьилди хизандин игьтияжар патал и кардал машгъул жезвай агьалийри анра вахт-вахтунда михьивилер авун, векь ягъун ва кьурай векьерикай михьун лазим я.
Эхирдай мадни рикIел хкиз кIанзава: цIаяр кьуникай хуьнин къайдайрал амал тийизвай ксар РФ-дин КоАП-дин 20.4-статьядин бинедаллаз административный жавабдарвилиз чIугвада.
Эльдар Алиев,
Махачкъаладин 1-нумрадин НД-дин ва ПР-дин отделдин къуллугъчи
