Яшамиш жезвай чкада аял регистрация авунин месэлани МФЦ-дин идарада гьялиз жеда. Пешекарри чаз ихтилат авурвал, им фад ва къулайдаказ кьилиз акъудиз жезвай кар я. Аял регистрация авун патал ихьтин документар герек жеда: диде-бубайрин паспортар; аял дидедиз хьайивилин гьакъиндай шагьадатнама; дуьз адрес къалурнавай справка. 

Эгер диде-буба кьилди яшамиш жез­ватIа, абурукай кьвед лагьайда аял регис­трация авунилай чарчел кхьенвай жуьредин разивал гун герек я.

Къейд ийин, эгер аял диде-бубадикай сад яшамиш жезвай адресда регистрация­ ийиз хьайитIа, кIвалин сагьибдин рази­вал герек жезвач. Аял анжах диде-бубадикай садахъ галаз санал регистрация ийиз жеда, эгер диде-буба гьар жуьре адресра яшамиш жезватIа, и дуьшуьшда абурукай садахъ галаз регистрация ийиз жеда.

14 йис тамам тахьанвай аялар патал регистрациядин гьакъиндай шагьадатнама гузва, 14 йисан яшдилай алатна­вай­бур патал регистрация паспортда­ эцигдай­ штампдалди тестикьарзава. 14 йис тамам хьанвай аял регистрация ийи­дай­ла, адакай талукь малумат диде-бубадикай садан паспортда къалурун чарасуз я.

Регистрациядин къуллугъ МФЦ-да гьавая кьилиз акъудзава.

«Лезги газет»