Лирохвост

Адетдин нуькIерин дестедик акатзавай лирохвостар Австралияда яшамиш жезва. Чилел уьмуьр кьиле тухузвай лирохвост маса къушарилай тафаватлу ва гуьрчег ийизвай кьетIен лишанрикай сад адахъ яргъи тум аваз хьун я. И къушарин анжах 2 жуьре малум я.

Лирохвостар Австралиядин милли къушар яз гьисабзава. Абуру гьашаратар, хушраканар, чилик жедай шарар, гагь-гагь набататрин тумар неда. КIвачерив пешер инихъ-анихъ ийиз, абуру чпиз ем жагъурда. Пешекарри тестикьарзавайвал, лиро­хвостар гзаф кичI квай, гьасятда кухундай къушар я, икI тирвиляй абуру чеб уьмуьр­да тухунин къайдадикай гегьенш малуматарни авач. Са гьихьтин ятIани хаталувал пайда хьайитIа, лирохвостар гьасятда акъвазда ва велвеладин ванер акъудда. Идалай кьулухъ абур фад-фад катда ва далдаламиш жедай чка жагъурда.

И къушаривай маса къушарин, гьайванрин ва маса жуьредин сесер акъудиз жезва. Месела, фотоаппаратдай шикил ядайла акъатдай сес, бензиндин мишердин сес, автомобилдин сигнализациядин сес, аял шехьдай сес, кфилдин сес – ибур адетдин лирохвостдин «репертуарда» авай авазар я.

Гьазурайди — К. Ферзалиев