Украинада кьиле физвай дяведин махсус серенжемда икьрардин бинедаллаз иштиракзавайбуруз гузвай пулунин такьатрин кьадар артухарнава.

ИкI, са сеферда гузвай пулунин куьмек 4-4,5 (кьуд ва кьудни зур) миллион манатдив агакьнава. Къейдзавайвал, 3,5 миллион манат пул резервдин полкунин гьисабдай яз Дагъустан Республикадин патай чара ийизва. 400 агъзур манат – уьлкведин бюджетдай, 100 агъзурдалай 600 агъзур манатдал кьван – муниципалитетдай. ЦIийиз артухарнавай такьатриз талукь малумат 31-августдалди къуватда жезва.

Идалайни гъейри, икьрардин бинедаллаз къуллугъзавайбурув вацра 210 агъзур манатдилай тIимил тушиз мажиб агакьда. ГьакIни иштиракчийриз душмандин техника тергунай алава пулар, чилин участок гузва.

«ЛГ»