Дагъустандин кьилин везифаяр вахтуналди тамамарзавай Владимир Васильева 8-сентябрдиз кадрийрин «Зи Дагъустан» конкурсдин гъалибчийриз къуллугъдин шагьадатнамаяр вахкана. И гьакъиндай «Лезги газетдиз» РД-дин Кьилин Администрациядин ва Гьукуматдин пресс-къуллугъди хабар гузва.
Къейд ийин, шагьадатнамаяр РД-дин гьукуматдин властдин ва чкадин самоуправленидин органра къуллугърал тайинарнавай гъалибчийрив вахкана. Владимир Васильева республикадин абадвал патал кlвалахиз гьазур тир гележегдин къуллугъчийриз чухсагъул малумарна.
Малум хьайивал, В.Васильева гьелелиг везифаяр кьилиз акъудунин гьакъиндай 13 шагьадатнамадал къул чlугунва. Муькуьбуру лагьайтlа, гьелелиг чпин гележегдин паланар кьетlнавач.
Шагьадатнамаяр вахкунин мярекатда РД-дин премьер-министр Артем Здунова, РД-дин Кьилин Администрациядин ва Гьукуматдин руководитель Владимир Иванова, министрри ва масабуру иштиракна.
«Лезги газет»
