Терроризмдихъ галаз женг чlугунин карда рейсадвилин йикъаз талукьарнавай «Чун террордиз акси я!» акциядин сергьятра аваз Сулейман-Стальский райондин образованидин тешкилатра са жерге мярекатар кьиле тухвана. Кьилди къачуртlа, «Бсландин мусибат», «Бесландин мусибатдин 14 йис», «Беслан – чи умуми тlал», «Терроризм – обществодин къурху», «Аялар террордиз акси я», «Бесландин къурбандриз бахшзава» ва маса темайрай классдин сятер, линейкаяр тешкилна.

Мярекатриз талукьарна «Чун ислягьвилин терефдарар я» плакатарни туькlуьрна. Гъвечlи классра кlелзавай аялар патал манийрин, шииррин, суьретрин конкурсар кьиле тухвана, Россиядин Игит Зейнудин Батмановаз бахшнавай «Жуванбур маса гудач» фильмдиз килигна, ам веревирдна. 9-11-классра кlелзавайбуру «Спорт террордиз акси я» лишандик кваз кьиле фейи спортдин акъажунра иштиракна.

«Лезги газет»