Чи машгьур ватанэгьли Шамиль Мамедова Болгариядин Бургас шегьерда азаддаказ кьуршахар кьунай итимрин арада мукьвара кьиле фейи чемпионатда 65 кг-дин заланвал авайбурун арада къизилдин медаль къазанмишна. Нубатдин сефердани ада вичин устадвал вини дережада аваз къалурна, бягьсерикай са шумуд вахт амаз акьалтIарна.

РикIел хкин, алатай йисан эхирра Болгариядин патай экъечIунин къарар кьабулнавай Ш. Мамедова им ана къазанмишнавай сифтегьан агалкьун туш.

Ери-бине Кьурагь райондин Кьуьч­хуьр­рин хуьряй тир белижви Шамиль Мамедов Россиядин азаддаказ кьуршахар­ кьадай­ пагьливан, международный клас­с­дин спортдин мастер, 2021-йисуз­ жаван­рин арада Россиядин ва дуьньядин чемпионатра 1-чкайриз лайихлу хьана­. 2022-2023-йисара ам Иван Ярыгинан Гран-Придин, Туьркияда кьиле фейи «Яшар Догу» международный турнирдин, Вирироссиядин спартакиададин (2022-йис) гъалибчини я.

Рагнеда Рамалданова