Дагъустандин писателрин союздин лезги секциядин регьбер, машгьур таржумачи, шаир, бине Ахцегь райондин Хуьруьгрин хуьряй тир Максим Тагьирович Алимоваз:

Гьар гафунин сирер чидай

ЧIалан магьир устад я вун!

Лезги халкьдин эдебият,

Тарих хуьзвай са чад я вун!

 

Къадир чидай кьегьалди хьиз

Бубадин рехъ давамзава.

Кутаз жедач ерли нукьсан,

Ви гьар са кар тамамзава.

 

80 йисар мубаракрай,

Яшар мадни пара хьурай!

Чандин сагъвал аваз кIубан,

Агалкьунрин хара хьурай!

 

Легьзедани тахьуй зайиф,

Сятиник хьиз гьерекат хьуй.

Къуй ви кIвале, Максим стха,

Гьуьрмет, хатур, берекат хьуй!

Ваз баркаллу юбилей мубаракзавай вун кIани, ваз кIани

«Лезги газетдин» редакциядин коллектив